قصة جرح

انا اللى حنانى ليكي كأنه ما كان

وحبي جار عليه الزمان

وعينى منك شافت هوان

شافت الم .. شافت ندم

شافت جرح عمره ما كان

كان موجود فى مرة حبيبة

وكانت هي لقلبي طبيبة

كانت مرة قريبة منى

وكنت فى قلبها شايف الطيبة

كنت بدور على اوراقى

قلت انا هاوصف ايه وازاى

قجاة لقيت الورقة اترسمت

ولقيتها على الورقة سعيدة

كنت بشوف فى عنيها النظرة

تسرق قلبي وكل حياتى

واما بلاقى عليها الفرحة

بجرى وادور فى ابتساماتى

يمكن الاقى بسمتها معاهم

واتمنيتها معاها حياتى

اتمنيتها فى قلبي .. وف نظراتى

اتمنيت الدنيا هدية اقدمهالها

حاجة بسيطة من عباراتى

ولما لقيت منها النظرات

وان هي كانت عايزانى

وان قلبها برضه نادانى

قمت بسرعة وحسيت قلبها سابها وجانى

حسيت انها خلاص حبانى

وانا بمشاعري بلاقى الدنيا دى جنة كبيرة

واما الاقي القلب يقرب من الاميرة

خفت..! ليكون حلم هادى ف ليلة جميلة

سالتها.. انتى جنبي ؟ خفت يكون الحلم خيال

قمت سمعت خيالي بيهمس

ايوة معاك وحياتى اسيرة

ايوة معاك احلامى لقيتها

وهحققها فى دنيا جميلة

دنيا قمرها وشمسها انت

دنيا هواها ودفئها انت

ايوة معاك وحياتى ما اسيبك

مانت خلاص بقى قلبي حبيبك

قلت انا نفسي امسك ايدك

قالت لا دا ف احلامك

دانت كفاية عليك نظراتى

وابتساماتى

وان عنيك كل حياتى

قلت انا نفسي امسك ايدك

قالت مش كفاية اهاتى

لمسة واحدة تزود حنينى

تضيع انينى

تكمل حياتى

حسيت بايدها جوة ايدى

حسيت فى ايدها خطوط حياتى

وبصتلى بعنيها..لقيت الدنيا فيها

لقيت الفرحة دنيا

وقلبي ملك عليها

حسيت بخوف للحظة

وقلت اكيد حبيبتى

لقيت عنيها شمسي

لقيت هواها طيبتي

وبعد يومين حسيت بقلبي بيتنفض

حسيت احساس غريب ..

حسيت وداع

وفجاة لقيت الحلم ضاع

وقلبي ينادى بصوت مبحوح

واسأل فين يا قلبي تروح

قالى هدور على بسمتها

يمكن اعرف يوم سكتها

مالقيتهاش ولا حتى فى بيتها

حتى القصر بتاعها فى قلبي لقيته مهجور

وجناين قلبي سابتها الطيور

حسيت الدنيا بتنتهى

قلت عشانها هالف وادور

قمت لقيتنى لوحدى مسافر

وان الدنيا قلوب ندمانة

وان الباقى قلوب سهيانة

خفت اوضح ليها طريقى

ارجع الاقى عيونى جبانة

خلاص ..خلصت الصبر ف غربتى

خلصت كلامى فى سكتى

خلصت اساسا ضحكتى

وضاعت قبلها فرحتى

قدرى يا دنيا اعيش وحيد فى دنيتى

واموت وحيد فى سكتى


loversmoon

لحطة وداع

بسم الله الرحمن الرحيم


هابتدى منين الحكاية

ابتدى باحساسى ليكى

ولا حتى جمال عنيكى

ابتدى بكلمة بحبك

لما سمعها قلبي منك

ابتدى بشعور برئ

استمد طاقته منك

أبتدى بحضن دافى ويا قلبك

هابتدى ازاى الحكاية

وانا عارف ان لكل بداية نهاية

كنت بخاف لو لحظة بعدتى

كنتى معايا فى قلبي.. كنتى حبيبتى

كنت بحس الجنة دى قلبك

لما وهمت القلب بحبك

لما كذبت كتير على قلبي

وقلت دى لازم تفضل جنبك

بس تعالى يا قلبي ودور عالاحلام

بس تعالى .. وانت تشوف كل الاوهام

وهم كبير انها حبتنى

وهم كمان ان انا صدقت

وهم اكيد لما اتمنيتها

وصدمة عمرى يوم ما انا فقت

فقت لقيت احلامى بتهرب

وان حياتى دى كانت وهم كبير

وانى مهما حاولت اقرب منها بضييع

حسيت انى بقرب للنهاية

وهابتدى ازاى الحكاية

وازاى وصلنا للنهاية

لما لمسة ايدك غيرت كل المعانى

لما كان فى القلب بحر من الامانى

لما يوم حسيت بحبك

لما يوم قربت منك

ليه بعدتى فجأة عنى

وبتقولى انك حبيبتى

وان احساسك حقيقى

وان شعورى كان سابقنى

وان حبك يوم سرقنى

لا خلااااااااااص كفاية كذب

اصل رجوعى ليكى صعب

كل حاجة فى قلبي ليكى خلاص نفيتها

حتى كل صورة ليكى خلاص رميتها

وكل ذكرى فى قلبي ليكى

ربنا يقدرنى وانسي

loversmoon

بعد الفراق

بعد فراقك يا حبيبتى كل حاجة فيا ماتت

مات حنينى للمسة منك

ومات شوقى فى بعدى عنك

ومات الحب الصافى منك

مانتى روحى وروحى راحت

ومش عارف حنينى لمين

ولا شوقى اوديه فيه

ولا عقلى هاقوله ايه

مانت يا قلبي حبيبك راح

وبعد الحب سابلى جراح

وبعد العشق مات وارتاح

وسابك فى الحياة بعيد غريب

تقاسي الوحدة والاحزان

وتترحم على الحب اللى عشته زمان

على الامل اللى مات حيران

على الحب اللى مات زعلان

على الزمن اللى غدر بيا

وخلانى اعيش مكسور

وبعد ما كنت انا فى لحظة بعدى بحور

وبعد ما كنت انا فى الحياة

بعيش فى سرور

بقيت تايه وحيران

وقلبي مش باينله النور

وعينى مش لاقيه حبيبها

اللى كان بيبنى قصور

عمره ما كان ضعيف ولا مكسور

ولا هانت عليه ايامى

اصله كان ملاك احلامى

وبعد ما سابنى واتهرب

مبقيتش شايف قدامى

وفضلت عايش فى الامى

لكن الجراح بتقوى

وعشان كدة هعيش وحدى

ومش هعرف حبيب تانى

ولا حتى هافكر تانى لحظة احب

عشان الحزن صحانى

وحتى الجرح احيانى

وخلانى اعيش عمرى

وكل علامى احزانى

خلاص يا جراحى

مش هعرف حبيب تانى


loversmoon

انساكى

بسم الله الرحمن الرحيم



مفيش امل فى دنيتك تعرف تعيش

ولا حتى تلاقى فى قلبك حب .. مفيش

كل حاجة بعد القسوة بتهون

وكل كلمة بعد البعد بتخون

وبعد الوداع اتقفلت كل الجفون

واتغيرت كل الامانى واتحولت ظنون

مفيش اكيد .. الحب راح

مفيش سعيد ..دا الشوق جراح

الشوق اللى رمانى فى الالم وانا صاحى

اللى زمان عذبنى ولا داوا جراحى

وبعد الحب خلانى كرهت حبيبى

وبعد القرب ودانى خلاص لطبيبى

وهاعمل ايه ?!!...مفيش احلام

واطياف حبي تاهت فى ليل كله ظلام

وخيالى كمان تاه من الاوهام

ومش عارف كلامى لمين

بصحى الجرح بايديا

وبسهر كل لياليا

ومش عارف حبيبى ناسينى

وباع خلاص نظرة عينى

وخلى جراحى تكوينى

وانا فى عقلى وتكوينى بحبه موت

ولو تبعد فى يوم عنى مسيري هاموت

وبين شفايفها بسرح فيها من غير صوت

ونظرة عينها علمت قلبي السكوت

وبعد ده كله

مش عارفة.. ومش حاسة ..وعايزة اتأكد

وبعد دة كله بتيجى على قلبي وتنكد

ومش عارف عملت انا ايه

عشان حبيت

عشان شيلتك فى نن العين

ورسمتك عالخدود بوستين

عشان فى حبك تهت ومعرفتش طريقى منين

تقولى انسانى

تهزى كيانى

تروحى بعيد وتتحدى

انا خلاص محتار فيكى

وبعد ما كنت انا شاريكى

وبتمنى اروح مرة اراضيكى

وبتمنى اكون ليكى

بقيت خايف اشوف مرة صدى عنيكى

دى نظرة عين تدوب كل الجرح جواكى

تخلى جراحى تنساكى

تقرب حبي لهلاكى

دى نظرة عين ولمسة ايد بتهواكى

وعمرى ما لحظة فكرت ان انا انساكى

لان القلب يهواكى

وحتى العقل يهواكى

وحتى الروح مسامحاكى

خلاص انسينى وانا هابعد

وهاخد روحى لهلاكى

مانا معرفتش انساكى

loversmoon