دة حقيقى
اللى بيحصل دة اسمه اغتصاب
بس اغتصاب من نوع خاص جدا
سمعنا عن اشهر انواع الاغتصاب وهو اغتصاب العرض
ومش هتكلم فيه طبعا
فى اغتصاب تانى اسمه اغتصاب الارض
وبردة مش هتكلم فيه علشان منبقاش بندن فى مالطة
وفى اغتصاب كمان اللى هو موضوعي النهاردة
(اغتصاب المشاعر)
طبعا انا اكتر واحد مستغرب
هو ينفع حد يغتصب مشاعري
يخلينى احبه غصب عنى
او اكرهه غصب عنى
بعد تفكير عميق وبدون استناد لاى ادلة او براهين
اكتشفت ان دى حقيقة
ممكن واحد يغتصب واحدة بنظرة
يسرق تفكيرها
( هو بيبصلى كدة ليه )(الواد دة اهبل ولا ايه )
(دة بيشبه عليا باين ) ( انا شكلى عجبته)
كل واحدة وتفكيرها هو اللى بيجبرها على الفكرة اللى فى راسها
واللى كان اساسها نظرة يمكن مكانش ليها اي معنى
الشيء الغريب جدا جدا والمحير جدا جدا
ان معظم حالات الحب بتبقى بالطريقة دى
(اصل مرة وانت داخل فى بير السلم قلتلى مساء الخير)
مجرد معاملة كويسة من الولد او البنت للتانى تتفهم غلط
البنت تعجب جدا بالولد لمجرد انه وقف جنبها فى مشكلة معينة قابلتها
والولد يحب البنت لمجرد انها قالت فى حقة دة انسان كويس
وفى نهاية الحالتين بتبقى مصيبة
لانها يا اما بتنتهي بحب من طرف واحد ودة عبط طبعا لان مفيش حاجة فى الدنيا اسمها حب من طرف واحد
يا اما بتنتهي كعادة 99.9 من حالات الحب بالفشل الذريع
على فكرة
90 % من حالات الحب الفاشل دة بتحصل من سن 12 لسن 17 سنة تقريبا
و9.9 % الباقيين بيبقي حب فاشل بردة بعد بعد السن دة
ارجع لموضوعي
ليه لما الولد يعامل بنت معاملة لطيفة على انها انثي (تحبه) او تعجب بيه على الاقل
ليه لما البنت تعامل ولد باحترام علشان المفروض ان هو راجل (بيحبها ) او يقول البنت دى بتحبنى
شيء غريب
والمشكلة ان معظم الناس دى بتصدق مشاعرها
هحاول افهم الموضوع دة بيحصل ليه
واوعدكم لو عرفت
هقولكم
