happy Birth Day

Happy Birth Day

Happy

Birth

Day

2

U

Happy Birth Day

Happy Birth Day

Happy Life 4 Ever

لو .......

لو . . . .

كلمة مليانة تمنى

او ندم على حاجة ضاعت ف لحظة منى

أو حتى ضاعت غصب عنى

المهم انى حزين

على حاجة ضايعة من سنين

علشان لقيت الدنيا مليانة انين

وحسيت ان الندم خد عمرى منى

وااااه لو كنت عرفت قبل ما يفوت الاوان

كنت الحق الحب اللى ضاع ف لحظة منى

كنت امسكه جوا ف ايديا

واحضنه ميهربش منى

بس لو ...

لو كنت عرفت قيمة اللحظة فى حياتى

مكانتش ضاعت امنياتى

مكنتش احس انى خايف

لما اقرب من مماتى

ياااااه لو في يوم ترجع حياتى

لو......

لما حسيت لحظة واحدة بحضن امى

اختفي باحساسي همى

بس فجأة وغصب عنى

الزمان بعدها عنى

واتملى ف فراقها همى

لما سال ويا دمى

قلت فين الحضن الدافى يغسلنى

وقلت لو ....

لو كنت ف حضنها انا استنيت

لو مرة واحدة ف بعدها من قلبي بكيت

كانت الدموع هتغسلنى .

لو لقيت طيفها وخيالها ف دنيتى

مكانتش فضلت لحظة واحدة بعيدة عنى

بس لو.....

كفايانا بقى

دة اللى راح من عمرنا كله شقى

واللى يوم اتمنى يرجع للى مات

ويقول هصحى الذكريات

وقال هصلح فى اللى فات

لساه مكانه فى عز حزنه

ولسانه مطبوع عالسكات

انساه بقى

انسي اللى فات

انسي الاهات والذكريات

واللى فى حياتك هاتلاقيه

اروع من كل الكلمات

عيد سعييييييييد على الجمييييع

كل سنة وانتى طيبة يا همسة

كل سنة وانتم جميعا طيبين

مشكلة جديدة

مخنووووق جدا

ومش عارف اسامح نفسي

ومش عاوز احكى لحد

ولا حتى سيجارتى

مسكت قلمى وجريت على كراستى

واستنيت الحبر يغسل دمع

بقاله سنين متخبي فى منطقتى

وقف القلم مشلول

وفضلت بدمعى اقول

ومفيش غير حزن مالينى

وهم تملى يطول

جريت ايامى قدامى

ولقيت وياها احلامى

تنطفى حلم ورا التانى

ولقيت العمر الاتى....... ضلمة

مش عارف مالها حياتى

الهنا لحظة وبتعدي

وبحزن تمر ساعاتى

ولقيت ومضة ف ايامى

شفتها... رجعت احلامى

أروحلها... الاقيها بتبعد

زى سراب من قلبي بيهرب

واما بقرب احس بشوق

وبتوحشنى كتير لمستها

لما بغمض عينى

بحس ان انا حسيتها

ولقيتنى فى لحظة اتمنيتها

واستنيتها تيجى ف احلامى

وانا احلامى تملى بسطية

مش عاوز اخدها فى احضانى

مش عاوزها ابوسها ولا المسها

انا عاوز اشوفها قدامى

وزى نهاية كل احلامى

صحيت

وياريتنى ما اتمنيت

ولا حتى كنت وفيت

ولا لحنيتك حنيت

من يوم بعدك بدور على افراح مالقيت

رفعت راسي للسما وناديت

مش مال قارون اللى انا اتمنيت

ولا لملك فرعون انا حنيت

بس فى لحظة خاني احساسي وبكيت

بكيت على العمر اللى مر وراح

بكيت والبكا خلانى ارتاح

وكتب القلم بعد العذاب افراح

وابص ع اكتافى الاقي الهم ينزاح

يارب ياللى خلقت بعد الليل صباح

اسعد قلوبنا واهدينا كفايانا نواح