حب امتلاك

دى مش اغنية جنات

دا الاسم بس

انا بقى الاغنية دى ليها معايا معنى تانى

اصل الاغنية دى اتهديتلى

ومن حبيبتى مش عارف ليه يعنى المهم دة اللى حصل

حاولت افهم معناها يمكن يكون ينطبق عليا

اكتشفت ان فعلا اسمها ينطبق عليا تماما

لكن كلماتها لا مش بتاعتى خالص

حب الامتلاك

عايز امتلك حبيبتى وامتلك قلبها وعقلها وروحها

هي مكانتش عايزة الامتلاك دة او الاحتلال زى ما كانت بتسميه

كانت عايزة تعيش فري خالص

مش مهم اعرف بنات غيرها زى ما مش مهم تعرف شباب غيري

طبعا انا رفضت دة ومش عاوز حد يسألنى ليه بس هو كدة

وطبعا النتيجة الحتمية هنا ان كل واحد مشي فى طريق

انا خدت مصر اسكندرية الصجراوى وهى خدت مصر المنصورة الزراعى

يعنى كل واحد راح فى طريق

يا تري انا كنت صح ولا غلط

وياتري عادي جدا ان الاغانى تنهى قصة حب لمجرد انها مش على هوانا

حد يرد عليا والنبي