لما شفتك
حسيت الحياة فى نظرة منك
وان هدفى فى الحياة
انول رضاكي
وان مهما عرفت
ولا عشقت قبلك
كنت برفع ايدي
يمكن اطول سماكي
فاعذرينى
يا نور عيوني
وابعتيلى حلم واحد
انى اشوفك
لحظة واحدة
قبل ما احس
الكون مفارق
قبل لحظة
فى يوم هتيجي
لحظة هتطلع
روحي للخالق
انا بتمنى
وبحلم قلبك
يلمح حبي
يمكن لما شفايفك
تضحك
قلبي يحس
الكون بقى جنة
حتى لو انتى
ملاك فى السما
انا هسرق
جناحين وهطير
يمكن اشوفك
يوم واتهنى
انا احلامى
تملى بسيطة
كل منايا
اشوف فى عيونك
احلى حقيقة
بس ياريتها
تبقى حقيقة
تطلع منك كلمة رقيقة
واما اسمعها
تاخدنى الفرحة
واحس الدنيا
كلها ملكي
وان انا ملكك
وانتى الملكة
وان الكون كله
فدا امرك
بس ياريت لحظتها
تحسي بقلب
يهمه امرك
قلب اتمنى
فى يوم يرضيكي
حتى لو انتى اميرة فى عرشك
حواليكي خدم بيطيعو اوامرك
فيه فى الدنيا قلوب
تتمنى تقرب منك
واسرح فى خيالى
واحس كأنى بقيت سلطان
باشارة منى
اخلى الكون كله فرحان
ومفيش قلب ينام زعلان
وانا مستنى
اشوف الملكة
اللى هتملى الدنيا امان
شايف باب القصر منور
والحراس تنحنى لجمالك
وانتى جاية ورافعة الراس
علشان تشوفينى يا اعز الناس
سيبت العرش وقمت وجيتلك
قمت وفقت من الاحلام
لقبتنى انا وانتى
فى وسط جنينة
والعصافير طايرة حوالينا
وانا جايلك وبقرب منك
شفت عيون باين فيها خجلك
ونطقها لسانى وقالها ( بحبك)
والدنيا اتهزت جوايا
وخفت ساعتها اسمع ردك
بس شجاعتى وقفت وجنبي
لما سألتك بيها عن ردك
بتحبينى ؟؟
ايوة بحبك
ليست هناك تعليقات:
إرسال تعليق
اتمنى المدونة تعجبكم وبرحب بتعليقاتكم