ورقة وردة

ورقة وردة همزة وصل بينى وبينك

فرع واصل اكيد حبينك

لما فى لحظة كنت اتمنى اسمع صوتك

كنت اتمنى حتى اشوفك لو فى سكوتك

انا فى سكونى بدور عليكى

لقيتك فى حلم نايمة بين احضانى

وسمعت شفايفك بتنادى

ايوة حبي ليك مش عادى

مهما فرقتنا بلاد

مش هيغيرنا البعاد

مش هتأخر عالمعاد

قمت صحيت من حلم جميل

حلم قربلى البعيد

قلت انا لازم اسمع صوتها

لازم احس انها وياي

ايوة انا حاسس انك جنبي

بس فى صوتك رعشة خوف

انا مش عارف ليه هنخاف

والحب فى عيوننا بيتشاف

بحبك

كلمة تملى بحور العالم بالنسمات

كلمة تخلى قلوب الناس مليانة اهات

ايوة بحبك حب عشقته فى الازمات

واقف جنبي سنين وايام

بيساند قلبي الحيران

عايزك جنبي يا حبي

ودايما تملى عيونى بابتسامات