حاسس ان انا اكتر انسان سعيد فى الدنيا
وان الدنيا ى كلها بتاعتى
وفى نفس الوقت حاسس انى متقيد ومخنوق
احساس السعادة حسيته لما لقيت نفسي بشوف حبيبتى
لما بشوف فى عنيها كلمة بحبك
لما بشوفها عايزة تجرى وتاخدنى فى حضنها
فرحان ومبسوط علشان انا كمان حسيت نفس الاحساس فى نفس الوقت
علشان قرأت على لسانها كلمة بحبك
فرحان علشان بالرغم من فراقنا حسينا ببعض
وشوشت الوردة وقلتلها
(يا وردة لو هى بتحبنى خليها تاخدك انتى)
وحطيت الوردة بين وردتين وقلت لحبيبتى اختارى
وهى اختارت بعد حيرة
اختارت وردة شاهدة على حبي ليها
حسيت بالحيرة
ازاى بنحب بعض الحب دة كله
ونبعد عن بعض لسبب مالوش معنى
مخنوق جدا انى ما ترجمتش احساسي دة لواقع
انى ما جريتش عليها وخدتها فى حضنى
مخنوق اكتر ان ما طلعتش منى كلمة بحبك
مع ان كان فى اكتر من فرصة علشان اقولها
مخنوف اوى اوى انى حاسس انى بوهم نفسي
بس انا عمر احساسي ما كان وهم
بس المرة دى خايف اوى
خايف فعلا اكون غلطان
خايف ارجع وانا ندمان
خايف اقرب منها الاقيها تبعد عنى
يا تري هي كمان حاسة نفس الاحساس
حاسة الحب اللى عندى ليها
حاسة الخوف اللى بيبعدنى عنها
عندى استعداد اتحدى الدنيا لو هى هتقف جنبي
وعارف انى لو طلبت منها هالاقيها جنبي تساندنى
بس احساس الخوف مخلينى اتوقع رفضها
اعمل ايه علشان ارتاح
اعمل ايه علشان نرجع لبعض
اعمل ايه علشان اسامحها
عمرى ما خنت فى يوم حبها
طول عمرى واقف جنبها
احساسي خلانى اتمنى اعيش لو لحظة عشان حبها
طب وهي بتحبنى ولا خلاص انتهى حبها
شايفة الدنيا من غير حد عايش لها
كل ما افكر لحظة فيها ارجع واستأذن منها
اصل الحب فى قلبي كبير وعمرى فى يوم ما هاقول انتهى
انا خلصت كلامى عليها ومستنى كلمة اسمعها منها
ليست هناك تعليقات:
إرسال تعليق
اتمنى المدونة تعجبكم وبرحب بتعليقاتكم